Bu yaxında şirkətlərin birinin #milyonluq trafiki olan Google SEO nəticəsi silinmişdi. Nəyinki satış yönümlü açar sözlərə görə, saytın adını yazdıqda belə Google-da çıxmırdı. Nəysə texniki prosesi həll edib 3 saat içində hər şeyi əvvəlki halına qaytara bildik.
Bəs bu tip problemlərə səbəb nə ola bilər?
1. Şirkətdən ayrılan işçinin qisası
2. Hesabın rəqib şirkətlərin əlinə keçməsi
3. İşçilər arası şəxsi konfliktlər və s.
– Əgər siz #freelance iş və ya xidmət götürürsünüzsə, bu tip problemlərə qarşı tədbiri əldən verməməlisiniz ki, #məsuliyyət üzərinizdə qalmasın.
– Siz çalışdığınız departamentdə hesab şifrələrini bilən #işçi dəyişdikdə belə bu ehtimallara qarşı tədbir almalısınız.
İdarəçi və mütəxəssis olmamışdan asılı olmayaraq aşağıdakı tədbirləri görməyə çalışın.
1. Şirkətin sosial media hesablarını iki faktorlu qorumaya alın. Öz nömrəniz deyil də şirkətin nömrə və telefonla təmin etməsini istəyin.( Ən pis halda müdirin nömrəsi)
2. Sosial media, Google Ads, Analytics toolları yəqin ki bir mail ilə idarə edirsiniz. Bu zaman həmin maili də 2 faktorlu qoruma tətbiq edin.
3. Daha öncə agentlik təcrübəmdən görmüşəm ki, hesab #təhlükəsizliyi məsələləri kiçik şirkətlərdə çox zəifdir. Şirkətiadı2022 tipli şifrələrdən qaçın. Böyük hərf, simvol, rəqəm, kiçik hərfləri ehtiva edən şifrə qurun.( Personal profillərimdə belə 12-18 rəqəmli koddur😅)
4. Bütün hesabatları daim nəzərətdə sağlayın( işə başlayanda, işdən çıxanda). Bir çox Digital marketinq sahəsində Facebook, Google reklamları quranların başına reklam hesablarına müdaxilə ilə boş yerə pul xərclənməsi gəlib. Nə qədər çox nəzərət etsəniz, o qədər tez xəbərdar olub tədbir ala bilərsiniz.
